Exame TdEE. Descripción

Como se ve na imaxe a persoa que vou describir é un home duns 30 anos que xoga ó fútbol, e que na imaxe viste a camiseta da selección arxentina. De estatura baixa, 170 centímetros aproximadamente, e un pouco gordo. Debido a súa pequena estatura ten os brazos e as pernas curtas. A cara bastante redonda como se ve na imaxe da esquerda, cun pelo bastante longo que lle cae ata a camiseta tapándolle a pescozo pola parte de atrás. Ten os ollos alongados, e as cellas que os cobren son mestas, chegando case a unirse por riba do seu fino e pequeno nariz. A boca na imaxe está pechada, mostrándonos os seus doces beizos. O seu pescozo é bastante groso.

A roupa que leva vestida é o traxe da selección arxeninta, selección na que xoga. A vestimenta consiste nunha camiseta de manga curta, a raias brancas e azuis celestes e cun brazalete azul escuro no final da manga; un pantalón moi curto de cor negro e cunha raia branca, que prácticamentte só lle tapa os calzóns. As medias son de cor branco agás unhas bandas de cor azul celeste. Calza unhas botas de fútbol con tacos de aluminio de cor negras co símbolo en branco da marca que son.

O seu carácter é o dun home gañador, pensativo e concentrado, que pensa só en xogar o mellor posible o partido que vai a disputar. Tamén é de carácter forte e agresivo pola expresión que reflexa o seu rostro.

A nova aula

Os sentimentos que afloraron en min ó entrar na nova aula, foron os de tristura e ledicia a un tempo. Tristura por abandoar aquela preciosa aula con unhas magníficas vistas cara a carballeira. Por outro lado tamén me produciu ledicia por que a nova aula é máis ampla e espazosa, e ten unha mellor colocación dos ordenadores. A aula tamén inspira frescura e liberdade, polo gran oco que queda libre no medio da clase.

Charla Quérote

A charla sobre o sexo que nos veu a dar Noa, unha traballadora do centro Quérote, resultou moi produtiva dende o meu punto de vista.

Primeiro cada un de nós tivo que ir dicindo unha palabra que estivese relacionada co sexo. Saíron palabras moi diferentes. Tamén nos preguntou cando críamos que comezabamos a ter sexualidade e ata cando. Chegamos á conclusión de que a temos dende que nacemos, ata que morremos.

Logo explicounos tres conceptos básicos sobre os que iamos falar: sexoación, sexualidade e erótico. A raíz desto tivemos que comentar se nos parecía normal ou raro algunhas situacións de parella no momento de realizar actos sexuais.

Acto seguido tivemos que comentar os alumnos, algúns actos sexuais que nos gustaría facer sen contar á penetración. Coa unión de todas as ideas propuxemos un acto moi erótico, segundo a sexóloga.

A continuación díxonos que era convinte empregar unha funda de latex no momento de realizar determinados actos; por exemplo, cando un dos que o realizan teña papilomas para non transmitilos de uns a outros.

Xa para rematar tamén nos falou do uso do preservativo e explicounos como se pon. Comentounos onde se debe gardar, que debe ser un lugar onde o preservativo esta estirado e fresco, porque se non pode chegar a romper non valería de nada a súa utilización.

Esta charla para min resultou moi interesante, xa que aprendín cousas novas sobre o sexo que descoñecía.

Ola. Benvidos ó meu blog. Chámome Manuel Rodríguez García e teño 15 anos. Estudo no I.E.S. Lama das Quendas no curso de 4º da E.S.O no grupo B. Na asignatura de Técnicas de Expresión Escrita é cando vou facer este blog.

Falando do meu físico son un rapaz bastante alto, 1 metro e 78 centímeros, e tamén bastante delgado.Teño o pelo escuro, ó igual cos meus ollos; o nariz fino e redondo na punta; as meixelas suaves, que se redondean co meu sorriso; a boca pequena e os meus beizos finos.

Falando agora do meu carácter, considérome un rapaz feliz, alegre e divertido; bon amigo dos meus amigos e nada rencoroso. Non me gusta levarme mal con ninguén, xa que ó meu parecer é unha tontería pasar o tempo enfadado.

Se falamos dos meus gustos direivos que me apaixonan os deportes, sobre todo o fútol e o tenis, deportes que practico habitualmente. Tamén me gusta para comer a pasta con tomate e outras comidas coma o peixe e auga ou algún refresco de limón para beber. A roupa que me gusa vestir son pantalóns vaqueiros, sudadeiras de algodón e tenis de calzado.

Algunhas cousas que non me gustan son que a xente fume ó meu arredor e as pelexas. Non me agrada beber coca-cola.

Benvidos a un novo blog

Antes de nada darvos a benvida a este novo blog que nace hoxe. É o primeiro blog que fago, así que non esperedes unha maravilla, aínda que vou traballar nel para que saia o mellor posible. Fareino ó longo do curso nalgunhas horas de Técnicas de Expresión Escrita. Neste blog non vou falar sempre do mesmo e irei poñendo distintos temas nas distintas publicacións. E nada máis por este primeiro día. Como xa dixen, ¡Benvidos e espero que vos guste!